Hökumət üzvlərinin iştirakı ilə keçirilən tədbirdə çıxış edən Prezident Vladimir Putin Rusiyaya qarşı tətbiq olunan sanksiyaları Ümumdünya Ticarət Təşkilatının (ÜTT) təməl prinsiplərinə zidd hal sayıb.

Axar.az xəbər verir ki, dövlət başçısı ölkəsinə şamil olunan qadağaların siyasiləşdirildiyini dilə gətirib. Putin bildirib ki, heç bir kəs, o cümlədən də sanksiyaların tətbiqinin leyhinə olan ölkələr beynəlxalq iqtisadi normalardan sui-istifadə etməməlidir. O, əlavə edib ki, bu cür hallar ÜTT daxilində bərabərlik normalarına ciddi zərbə vurur, sağlam rəqabət və azad iqstisadi əlaqələri isə arxa plana atır.

Xatırladaq ki, Putin çıxışında ÜTT-yə üzv ölkələrdən ibarət bir qrup dövlətlərin faktiki olaraq birtərəfli qaydada sanksiyalar amilindən yararlandığını diqqətə çatdırıb.