Ukrayna Prezidenti Pyotr Poroşenko İlovaysk ətrafındakı faciənin səbəblərini açıqlayıb.

Axar.az xəbər verir ki, prezident Ukrayna ordusunun mühasirəyə düşməsini və ciddi itkilər verməsini gələn yardımın gecikməsi, eləcə də bəzi hissələrin öz mövqelərini qoyub qaçması ilə əlaqələndirib.

Prezidentin sözlərinə görə, əgər yardım vaxtın gəlsəydi və hərbi hissələr öz mövqelərini tərk etməsəydi, nəticə Rusiya hərbi qüvvələri üçün çox pis olacaqdı.

Qeyd edək ki, avqustun sonunda Ukrayna hərbçiləri İlovaysk ətrafında rus qoşunları və separatçıların mühasirəsinə düşərək, ciddi itki vermişdilər. Qeyri-rəsmi məlumata görə, həmin vaxt 300-dən çox Ukrayna hərbçisi həlak olmuşdu.