49 diplomatın İŞİD tərəfindən sağ-salamat geri qaytarılması hazırda əsas müzakirə mövzusudur. Əksəriyyət İŞİD-in heç bir qarşılıq olmadan girovları geri qaytarmasını qəbul etmir və ona görə də daha bir iddia ortaya atılıb.

Axar.az Odatv.com saytına istinadən xəbər verir ki, PKK-ya yaxın media orqanlarında Türkiyənin girovlar müqabilində İŞİD-ə 49 tank və silah-sursat göndərdiyi iddia olunub.

Xəbərdə Türkiyənin tanklar və silah-sursatı kürdlərə qarşı istifadə etməsi üçün İŞİD-ə göndərdiyi bildirilib.

Kürdlərə yaxın media orqanları həmin anın videogörüntülərini paylaşıb. Türk mediası isə yayılan görüntülərin həqiqəti əks etdirmədiyini yazıb.

Qeyd edək ki, Türkiyəyə keçən suriyalı qaçqınlar da İŞİD-ə tank və silah-sursatın göndərildiyini iddia ediblər.