"Rəngli inqilabların hamısı demək olar ki, bütün istiqamətlərdə inkşafa yönəlmiş kasıb olmayan ölkələrdə baş verib".

Axar.az ia-centr.ru-ya istinadən xəbər verir ki, bu açıqlama ilə Qırğızıstandan olan ekspert Mars Sarıyev çıxış edib. O, bu ölkələrdə bir anın içərisində sosial bazaların məhv edildiyini deyib:

"Biz də bu fazada yerləşirik və bizi rahatlaşdırmaq gərək deyil ki, yaxın müddətdə Gömrük İttifaqına daxil olacağıq. Qarşıda bizi enerji kollapsı gözləyir ki, bu da bütün ümidlərimizin məhv olmasına gətirib çıxara və orta təbəqənin digərlərində olduğu kimi, hərəkətə keçərək ölkədə destablizasiya yarada bilər. Qırğızıstan bu məqamda digər faktorların da yer aldığı qeyri-stabil nöqtə ola bilər. Bölgədə artıq sovet dövründən qalma resurslar bitib. Ona görə də Qərb siyasi texnoloqlarının bölgədə qeyri-stabillik yaratmaqdan ötrü yeni metod işləməsinə gərək yoxdur".