Fransanın şərqində, Bezanson şəhəri yaxınlığında yerləşən Pontarler qəsəbəsində müsəlmanlar təhqir olunub.

Axar.az xəbər verir ki, naməlum şəxslər qəsəbədə yerləşən məscidin qarşısına donuz leşi atıb. Fransa müsəlmanlarının hiddətinə səbəb olan bu hadisədən sonra polis istintaqa başlayıb.

Fransa İslam Əleyhdarına Qarşı təşkilatın başçısı Abdulla Zəkri verdiyi açıqlamada hadisəni İraq və Suriyada qarşıdurmaların yaşandığı bir vaxtda müsəlmanları qarşıdurmalara təhrik etmək kimi qiymətləndirdiyini bildirib:

"Biz başqa xalqlarla birlikdə sülh şəraitində yaşamaq istəyirik. Bəzi düşmənlər və irqçilər cəmiyyətlər arasında nifrəti qızışdırmaq istəyir".

Qəsəbənin tabe olduğu Frans-Komtenin qubernatoru Stefan Frataçi verdiyi açıqlamada məscidə təşkil olunan hücumu qınayaraq cinayəti törədənlərin mütləq cəzalandırılacağını deyib.

Xatırladaq ki, bu məscidə bu ilin yanvarında faşist təşkilatına aid olan "SS"lər tərəfindən hücum olmuşdu