Səudiyyə Ərəbistanı Çindən DF-21 orta mənzilli ballistik raket alıb.

Axar.az xəbər verir ki, bunu Səudiyyə Ərəbistanı Təhlükəsizlik Şurasının məsləhətçisi general Ənvər Eşki deyib. Onun sözlərinə görə, bu, ölkənin müdafiə inteqrasiyasını başa çatdırıb:

"Bu, Fars körfəzində müttəfiqlərin təhlükəsizliyini təmin edəcək. Eləcə də Məkkə və Mədinə şəhərlərinə mümkün hücuma qarşı müdafiə imkanı verəcək".

Qeyd edək ki, Çin ballistik raketlərinin texniki göstəriciləri məlum deyil. Ehtimal olunur ki, DF-21 raketləri 1700-3000 km məsafədəki hədəfləri məhv etmək qabiliyyətinə malikdir. Raketin sürəti isə saatda 5,8-11,5 min km-ə çatır.