Rusiyanın Daxili İşlər Nazirliyi Daxili Qoşunlarının səlahiyyətlisi Sergey Bunin Şimali Qafqazda son 15 ildə reallaşan əməliyyatlar nəticəsində 10 mindən çox yaraqlının öldürüldüyünü açıqlayıb.

Axar.az xəbər verir ki, Şimali Qafqazda fəaliyyət göstərən terrorçularla mübarizənin davam etdiyini deyən Bunin 40 mindən çox əməliyyatın reallaşdığını qeyd edib:

"Terrorçulara qarşı 40 mindən çox əməliyyat həyata keçirilib. Terrorçulara məxsus 5 min hərbi baza məhv edilib, 30 mindən çox müxtəlif ölçülərdə silah ələ keçirilib: 80 minə yaxın mina, kustar üsulla hazırlanmış bomba və digər patlayıcılar zərərsizləşdirilib".