ABŞ rəsmiləri, hökumət binalarının və diplomatik nümayəndə heyətlərinin təhlükəsizliyi ilə məşğul olan Gizli Xidmət Ağ Evin qarşısında postlar qurub.

Axar.az xəbər verir ki, 2.5 metr hündürlüyündə olan post hər gün minlərlə turistin keçdiyi ərazidə - Pensilvaniya-avendə yerləşdirilib.

Qeyd edək ki, ötən həftə sonu ABŞ ordusunun 42 yaşlı veteranı Omar Qonsales Ağ Evə girməyə cəhd edib. Ağ Evə soxulmağa cəhd edən Qonsales vaxtında mühafizəçilər tərəfindən saxlanılıb. Bundan sonra Obama ailəsi Ağ Evdən çıxarılıb. Sonradan Qonsalesin avtomobilində aparılan axtarış zamanı yüzlərlə güllə və soyuq silahlar tapılmışdı.