Türkiyə parlamentinin deputatı, keçmiş futbolçu Hakan Şükür AKP-nin onu təhdid etdiyini bildirib.

Axar.az xəbər verir ki, bu barədə Türkiyənin "Hürriyət" qəzetinin yazarı Yalçın Bayer millət vəkili H.Şükürlə qısa söhbətindən sonra qələmə aldığı köşə yazısında qeyd edib. Yazar deyir ki, H.Şükür səkkiz dəfə partiyadan istefa vermək istəməsinə baxmayaraq, ona maneə törədirlər.

Yazar Yalçın Bayer qeyd edir:

"İstanbul millət vəkili Hakan Şükürlə qarşılaşdıq. "AKP-çilərlə aranız necədir", - soruşdum. "Məni təhdid edirlər", - dedi. Soruşdum ki, bəs bilmirdinmi AKP belə partiyadır? Cavab verdi ki, xeyr, sonradan öyrəndim necə olduğunu. Sonda isə bildirdi ki, səkkiz dəfə istefa vermək istəmişəm partiyadan, ancaq imkan vermirlər, təhdid edirlər".