"Heç bir ölkə başqa bir ölkə üzərində haqq sahibi ola bilməz".

Axar.az xəbər verir ki, bu sözləri BMT-də çıxışı zamanı Barak Obama Rusiyaya xitabən deyib. Obama Ukrayna-Rusiya münaqişəsi ilə bağlı "Güclünün gücsüzü əzdiyi bir düzən" ifadəsindən istifadə edərək Ukraynanı dəstəkləməyə davam edəcəklərini bildirib. ABŞ lideri sözlərinə belə davam edib:

"Heç bir ulus başqasının torpağına hücum etmək haqqına sahib deyildir. Son dövrlərdə Rusiyanın Ukraynaya hücumları bu düzənə qarşı çıxması deməkdir. Ukrayna xalqı islahat tələbi ilə etirazlara başlayanda prezidentləri qaçdı. Daha sonra Krım işğal edildi. Rusiya separatçıları dəstəkləmək üçün bölgəyə silah göndərdi. Bölgədə sərnişin təyyarəsi vuruldu​​. ABŞ böyük xalqların kiçik xalqları əzmədiyi bir düzəni təmsil edir. ABŞ və müttəfiqləri Ukraynanı dəstəkləməyə davam edəcək".

Qeyd edək ki, Obamanın çıxışı zamanı Rusiya Xarici İşlər naziri Sergey Lavrov başını aşağı salaraq əlləri ilə üzünü tutub.