"Ukrayna Prezidenti Pyotr Poroşenkonun Rusiya ilə sərhədi bağlamaq planı əsassızdır".

Axar.az xəbər verir ki, bu barədə özünü Donetsk Xalq Respublikasının Baş naziri hesab edən Andrey Purqin RİA-Novosti-yə açıqlamasında bildirib.

Purqin Poroşenkonun Rusiya ilə sərhədi bağlamasının əsassız olduğunu belə əsaslandırıb:

"Müharibəyə baxmayaraq Ukrayna Rusiyaya ildə təxminən 18 milyard dollarlıq mal satır. Sərhəd vasitəsilə milyon tonlarla mal aparılır".

Qeyd edək ki, Ukrayna prezidentinin rəsmi saytında "Ukraynanın müdafiəsi və onun müdafiə qabiliyyətinin artırılması" barədə fərman imzalanıb. Fərmana görə, Rusiya Federasiyası ilə sərhəd məntəqələri birtərəfli qaydada müvəqqəti olaraq bağlanıb.