ABŞ Dövlət Katibliyinin sözçüsü Cen Psaki Yəməndəki qarşıdurmalarla əlaqədar olaraq bu ölkədəki diplomatlarından bəzilərinin ölkədən çıxmasını istəyib.

Axar.az xəbər verir ki, sözçü Cen Psaki verdiyi açıqlamada deyib:

"Xarici İşlər Nazirliyi Yəməndə olan ABŞ hökumət personalının sayını müvəqqəti olaraq azaltmaq təlimatını verib. Bu addımları Yəməndəki siyasi vəziyyətin təhlükəli olduğunu düşünərək atmışıq".

Psaki səfirliyin bu müddət ərzində bağlanmayacağını, az saylı işçi ilə fəaliyyətini davam etdirəcəyini qeyd edib.

Psaki Yəməndə vəziyyət dəyişərsə, verdikləri qərarı yenidən nəzərdən keçirəcəklərini də vurğulayıb.