Məşhur futbolçu Devid Bekhemin həyat yoldaşı "Spays gölz" (Spice Girls) qrupunun keçmiş solisti Viktoriya Bekhem öz istəyi ilə Birləşmiş Millətlər təşkilatının QİÇS-lə mübarizə üzrə xoşməramlı səfiri təyin edilib.

Axar.az xəbər verir ki, Viktoriya Bekhem bu vəzifəsindən məmnun olduğunu bildirib:

"Mən Keyptaunda HİV-ə yoluxmuş insanlara baş çəkəndən sonra həmin insanlara kömək etmək barədə qəti qərara gəldim. Həmin səfər mənim həyatımı tamamilə dəyişib. Bu yaşımda anladım ki, mənim üzərimə böyük məsuliyyət düşür və mən bunun öhdəsindən gəlməliyəm".

Qeyd edək ki, Viktoriya Bekhem model və dizayner kimi də fəaliyyət göstərir. Xeyriyyəçi kimi də məşhurdur.