Dünyanın kuryoz hadisələri, absurd hökmləri və ağılasığmaz qaydaları ilə diqqət mərkəzində olan bir ölkə var - Şimali Koreya. Dövlət rəhbərliyindən tutmuş sadə insanlara qədər, bu ölkədə hər kəs zombiləşib. Amma yenə də bu ölkədəki qayda-qanunlar hər kəsə maraqlı gəlir.

Axar.az Feysbuk fəalı Tural Həmidin paylaşdığı fotolar və şərhlər əsasında bu qəribə ölkəyə oxucuları "səyahət"ə göndərmək fikrindədir: Beləliklə, Şimali Koreyada metro təmizliyi, səliqəsi ilə diqqət çəkir. Maraqlıdır ki, Azəbaycan məzənnəsi ilə bu ölkədə metroda gediş haqqı 1 qəpikdən də ucuzdur. Başqa bir fotoda isə Şimali Koreyada kitab mağazasından şəkil paylaşılıb. Mağazada yalnız Kim Yonq İl və Kim İl Sunq adlı müəlliflərə aid kitablar satışdadır.

Növbəti fotoda isə qeyd olunur ki, Şimali Koreyanın qadınlardan ibarət 204 min daimi ordusu var. Rezervlə birgə 5 milyon 230 min qadınlardan ibarət orduya malik Pxenyan Çindən sonra dünyada 2-ci yerdədir.
Ən qəribə fotolardan biri Şimali Koreya və Cənubi Koreya əsgərlərinin bir-birinin üzünə baxmasını əks etdirən məqamdır. Fotodan da göründüyü kimi, daşlı sahə Cənubi Koreyaya, qumlu ərazi isə Şimali Koreyaya məxsusdur.