Abxaziya və Cənubi Osetiya Gürcüstanın tərkibində konfederasiya yarada bilər.

Axar.az İzvestiya.az-a istinadən xəbər verir ki, bu sözləri Rusiyanın Xarici İşlər nazirinin müavini Qriqori Karasin Gürcüstanın "İmedi" telekanalına açıqlamasında deyib.

Karasinin sözlərini şərh edən Qafqaz Strateji Araşdırmalar Mərkəzinin rəhbəri Mamuka Areşidze isə rusiyalı məmurun bu sözlərinin daha çox Qərb üçün nəzərdə tutulduğunu deyib:

"Mən belə bir bəyanat görməmişəm. Amma əgər diplomat belə bir söz deyibsə, o, Gürcüstan cəmiyyətinin "Rusiya həqiqətən güzəştə gedə bilər" fikrində olan hissəsindən daha çox Qərbə hesablanıb. Açığı, mən düşünmürəm ki, Karasinin təklifini qəbul eləsək, Rusiya bizə mane olmayacaq".