İraqın Diyala şəhər polisi tükürpədici açıqlama ilə çıxış edib.

Axar.az xəbər verir ki, şəhər polisinin mətbuat katibi Albay Halib Atiyə İŞİD mənsublarının terrorun ən iyrənc variantına əl atdıqlarını bəyan edib. Polis sözçüsü qeyd edib ki, terrorçular mal-qaranı tələf edib, onların bədəninə bomba yerləşdirirlər.

Atiyənin sözlərinə görə, Miqdadiyə bölgəsinin şimalında güc strukturlarının qərargahına yaxın yolun üstündə ölmüş heyvanlar atılıb. Polis şübhəli olduğundan, ehtiyat tədbirləri görüb və heyvanların bədənində və altında 6 bomba aşkarlayıb.

İŞİD üzvləri daha əvvəl də başqa massivlərdə bu terror tələsini qurublar. Onlar pul dolu çantalarına belə bomba yerləşdirirlər.

Qeyd edək ki, müasir dünya siyasətində İŞİD ən ağılasığmaz cinayətlərə əl atır. Hətta Əl-Qaidə, Taliban kimi terror təşkilatları İŞİD-lə müqayisədə daha loyal hesab olunur.