Ukraynanın şərqində separatçılar son 24 saatda 14 dəfə atəşkəsi pozub.

Axar.az xəbər verir ki, Terrorla Mübarizə Mərkəzinin mətbuat xidmətinin verdiyi məlumata görə, atəşkəsi pozan separatçılar Donetsk hava limanı ilə Debaltsevo və Sçastye qəsəbələri yaxınlığında ordu birləşmələrinə qarşı hücuma keçib.

Hücum nəticəsində xeyli separatçının öldürüldüyü bildirilir, 3 Ukrayna hərbçisi də yaralanıb.

Bu arada Ukrayna Milli Təhlükəsizlik və Müdafiə heyətinin keçmiş katibi Andrey Parubiy ölkənin şərqində separatçıların atəşkəs razılaşmasına əməl etmədiyini bildirərək, məqsədlərinin strateji əhəmiyyəti olan bölgələrin qısa zaman ərzində ələ keçirmək olduğunu deyib: "Terrorçular ilk fürsətdə Donetsk aeroportunu, Mariopol şəhərini və Debaltsevo qəsəbəsini tutacaq".

Hökumət qüvvələrinin geri çəkiləcəyi təqdirdə böyük faciə yaşanacağı xəbərdarlığını edən Parubiy müdafiə istehkamlarının gücləndirilməsini tövsiyyə edib.