ABŞ Müdafiə naziri Ceyms Mettis zamanında Prezident Donald Trampı böyük çətinliklə NATO-nun vacibliyinə inandıra bilib.

Axar.az xəbər verir ki, bu iddia ilə jurnalist Bob Vudvord yeni dərc edilmiş “Qorxu: Tramp Ağ Evdə” kitabında çıxış edib. Onun sözlərinə görə, Mettis müdafiə naziri təyin edilməsindən sonra təşkil edilən şam yeməyində Trampı NATO-nu dəstəkləməyə inandırmağa çalışıb:

“Şam yeməyinin sonuna yaxın Mettis NATO-ya qarşı skeptik baxışları olan Trampı inandırmağı bacardığını güman edib. Bundan sonra Tramp Mettisə “Yaxşı, öz NATO-nuzu götürə bilərsiniz” deyib. Daha sonra o, administrasiyanın alyansı dəstəkləyəcəyini söyləyib ”.