"Xəzərdə hərbi fəaliyyət bütün Xəzəryanı dövlətlər üçün təhlükəsizliyin bərabər şərtlərlə təminatı prinsiplərinə uyğun şəkildə həyata keçirilməlidir".

Axar.az Ria Novosti-yə istinadən xəbər verir ki, bu sözləri Azərbaycan Prezidenti İlham Əliyev Xəzəryanı dövlətlərin IV sammitində çıxışı zamanı deyib.

Azərbaycanın hərbi və hərbi-texniki sahələrdə Xəzəryanı qonşuları ilə əməkdaşlığın inkişafına böyük əhəmiyyət verdiyini vurğulayan Əliyev təhlükəsizliyin təminatının bərabər şərtlərlə olmasının vacibliyini bildirib:

"Bu region ölkələri arasında qarşılıqlı etibarın gücləndirilməsinə xidmət edəcək. Xəzər dənizi dünya ölkələri ilə dostluğun, əməkdaşlığın və mehribanlığın inkişafında əhəmiyyətli rol oynayır".