"Fərqli hərbi-siyasi maraqlar Xəzər regionunda ciddi konflikt potensialı yaradır".

Axar.az xəbər verir ki, bu açıqlamanı "RİA-Novosti"yə Dünyada Silah Ticarəti Analizi Mərkəzinin nümayəndəsi verib.

Mərkəz nümayəndəsi Xəzər dənizinin statusunun müəyyən olunmaması və mübahisəli neft yataqlarının bu konfliktin ciddiləşməsinə səbəb olacağını bildirib:

"Hazırda daha çətin münasibət Azərbaycanla İran arasındadır. Tərəflər Xəzərin mərkəzində yerləşən "Alov", "Şərq" və "Araz" yataqları ilə bağlı heç bir razılığa gələ bilmirlər. Yaxın gələcəkdə bölgədə neft və qaz yataqlarının müdafiəsi ölkələri hərbi dəniz qüvvələrini gücləndirməsinə səbəb olacaq və Xəzərdə əsasən raket zərbələri endirmək üçün gəmilər, eləcə də sualtı gəmiləri görmək mümkün olacaq".