İŞİD-lə peşmərgə qüvvələri üz-üzə gəliblər.

Axar.az xəbər verir ki, bir körpünün əks tərəfində qarşılaşan qüvvələr arasında dialoq baş tutub.

"Rudav" televiziyasının müxbiri Hunar Əhməd həmin anda körpü üzərindəki iki qrupun dialoquna şahid olub.

Əhməd İŞİD-ə peşmərgələrlə bağlı ünvanladığı suala İŞİD-çilər belə cavab verib: "IŞİD-in müsəlmanlarla bir problemi yoxdur. Peşmərgələr müsəlman deyil. Bizim bir adamımız sizin min adamınıza dəyər. Allaha and olsun ki, sizə heç kimin etmədiylərini edəcəyik. İŞİD-lə kim döyüşsə, təxribata uğrayacaq".

İŞİD üzvləri koalisiyanın təşkil etdiyi hava hücumları ilə bağlı da danışıb:

"Hava əməliyyatları nə qədər davam edirsə etsin, sizi məğlubiyyətə düçar edəcəyik. Nə Amerika ordusu, nə də fransızlar, nə də digər ölkələr, kimsə bizi məğlub edə bilməz".