İran Prezidenti Həsən Ruhani Rusiyanın Avropaya qaz ixracını kəsəcəyi təqdirdə İranın Rusiyanın alternativi olmayacağını açıqlayıb.

Axar.az xəbər verir ki, İran prezidenti "Rusiya 2" televiziyasına verdiyi müsahibədə Qərbin Rusiyaya qarşı sanksiyalarına görə bu ölkənin yanında olacaqlarını bildirib:

"Biz Qərbin Rusiyaya qarşı sanksiyalarına qarşı bu ölkənin mübarizəni davam etdirməsi üçün dəstəyə hazırıq. Hazırda Rusiya hökuməti və xalqına əlimizdən gələn bütün köməyi təmin edirik. Lazımi ticarət prosedurları tamamlandıqdan sonra Rusiya xalqı gələn il dükanlarında İran məhsullarını görəcək".

Ruhani Rusiya ilə ticarətdə yaxın zamanda "Barter sistemini" tətbiq edəcəklərini qeyd edib:

"Bu sistem vasitəsi ilə hər iki ölkə iqtisadiyyatlarını qorumaqla bərabər, bir çox sahələrdə əməkdaşlığı genişləndirəcək. Bu sistemin Qərb sanksiyaları ilə bağlılığı yoxdur. Sanksiyalar tətbiq olunmadan öncə bu barədə iki ölkə arasında razılıq əldə olunub".