Rusiya ordusunun 7 briqadası 2015-ci ilə kimi "İsgəndər-M" operativ-taktiki raket kompleksləri ilə təchiz ediləcək.

Axar.az RİA Novosti-yə istinadən xəbər verir ki, bu barədə Rusiya Quru Qoşunlarının baş komandanı general-polkovnik Oleq Salyukov jurnalistlərə açıqlamasında deyib.

"Hazırda uzunmüddətli dövlət müqaviləsinə uyğun olaraq artıq 4 briqadaya "İsgəndər-M" raketləri göndərilib. İlin sonuna kimi Mərkəzi Hərbi Dairəsi daha 1 komplektlə təchiz olunacaq. 2015-ci ilə kimi isə Cənub və Şərq Hərbi Dairələrinin raket birləşmələrinə iki komplekt göndəriləcək", - Salyukov bildirib.

Qeyd edək ki, "İsgəndər" Rusiya Quru Qoşunlarının ən güclü zərbə kompleksi hesab olunur.