Rusiya Təhlükəsizlik Şurasının Baş katibi Nikolay Patruşev cari ilin ilk 6 ayı ərzində Rusiya internet sisteminin 57 milyon dəfə haker hücumuna məruz qaldığını açıqlayıb.

Axar.az xəbər verir ki, bu barədə mətbuata açıqlama verən Patruşev hücumların Soçi Olimpiadası, Krım hadisələri və Ukraynanın şərqində baş verən hadisələrdən sonra kəskin artdığını dilə gətirib.

Xarici kəşfiyyat orqanlarının aktiv şəkildə müdaxilə etdiyini deyən Kreml rəsmisi getdikcə Rusiya internet şəbəkəsinin buna tab gətirmədiyini etiraf edib.

Xatırladaq ki, sonuncu dəfə belə irihəcmli hücum Rusiyaya 2010-cu ildə baş vermişdi. Belə ki, hakerlərin 90 milyon dəfə Rusiya internet şəbəkəsinə hücumu qeydə alınmışdı.