"Siyatəçilər və ekspertlər yeni parlamentin uzunömürlü olacağına inanmırlar".

Bu sözləri Ukraynada işgüzar səfərdə olan politoloq Elxan Şahinoğlu ölkənin son durumu barədə Axar.az-a məlumat verərəkən dedi. Onun sözlərinə görə, Ukraynada vəziyyət əvvəlki tək ağırdır:

"Bu məsələləri araşdırmağa çalışıram. Ukraynada vəziyyət əvvəlki tək ağırdır. Ukrayna və Kiyevi ağır qış gözləyir. Digər tərəfdən separatçılar atəşkəsə riayət etmirlər".

Bir gün ərzində onlarla insanın həlak olduğunu deyən politoloq yeni müharibə dalğasını istisna etmir:

"Elə günü bu gün onlarla insan həlak olub. Ukrayna parlament seçkisinə gedir. Ancaq görüşdüyüm hakimiyyət təmsilçiləri, siyasətçilər və ekspertlər yeni parlamentin uzunömürlü olacağına inanmırlar. Çünki yeni parlamentin peşəkar səviyyədə çalışması üçün heyət fərqlidir. Təmasda olduğum insanlar müharibənin yenidən başlayacağı ehtimalını istisna etmirlər".

Politoloqun sözlərinə görə, iqtisadi böhran ölkəni cənginə alıb:

"İqtisadi və sosial durum ağırdır. İnflyasiya günbəgün artır, milli pul dəyərdən düşür".