Krımda Ukraynaya hücumla bağlı açıq danışıqlar gedir. Rusiya öz qoşunlarını Krıma yığır və Ukraynaya hücuma hazırlaşır.

Axar.az xəbər verir ki, bu bunu Krım-tatar Məclisinin keçmiş sədri Mustafa Cəmilov AŞPA-nın iclası zamanı bildirib.

Onun sözlərinə görə, Rusiya hücumdan əvvəl ilk növbədə Krımın Rusiyaya birləşdirilməsini tanımayan 5-ci kolonu məhv etməyə başlayacaq:

"Bu, Krım tatar xalqının deportasiya və soyqırımından başqa bir şey deyil".

Cəmilov dünya ictimaiyyətinin bunun qarşısını alacağına ümid etdiyini deyib: "Ümid edirik ki, dünya ictimaiyyəti və Avropa Şurası bu cinayətləri dayandırmaq və Krımı işğaldan azad etmək üçün lazımi ölçülər götürəcək".