"Ruslar bizim uzun illərdir əldə etdiyimiz bütün əmlakımızı məhv edirlər".

Axar.az "Vdagestan.com" saytına istinadən xəbər verir ki, Dağıstanın Unsukulski rayonunun Gimri kəndinin sakinləri rus əsgərlərindən şikayətlənirlər. Sakinlər rus qoşunlarının istifadə etdikləri ağır texnikanın əkin sahələrini məhv etdiyini deyirlər:

"Onlar bizim uzun illərdir əldə etdiyimiz bütün əmlakımızı məhv edirlər".

Hərbiçilərə qarşı gələnləri açıq şəkildə silahla hədələyirlər. Prezident Abdullatipov Putinin bütün arzularını artıqlaması ilə yerinə yetirir".

Kişilər kəndi tərk etmək məcburiyyətində qalıblar. Uzun illərdir rus hərbçiləri burada kök salmış mücahidləri axtarırlar. Gimri Dağıstandakı yaraqlılar üçün müqəddəs kənd hesab edilir.

Xatırladaq ki, 19-cu əsrdə Dağıstanda çar Rusiyasına qarşı azadlıq mücadiləsi aparmış Şeyx Şamil bu kənddə anadan olub.