Suriyanın Xüms şəhərində dünən iki məktəbin yaxınlığında baş verən partlayışda həlak olanların sayı artıb.

Suriya rəsmi xəbər agentliyi SANA-nın Xüms səhiyyə müdiri Həsən əl-Cundiyə istinadən verdiyi xəbərə görə, Xümsdəki partlayışda 32 nəfər ölüb, 115 nəfər yaralanıb.

SANA dünənki xəbərində Xüms şəhərində partlayış zamanı 18 nəfərin həlak olduğunu, əksəriyyəti uşaq olmaqla 40 nəfərin yaralandığını bildirmişdi.

Hadisənin məsuliyyətini hələ ki, terror qruplaşmalarından heç biri boynuna götürməyib.