ABŞ-ın keçmiş Dövlət katibi, dünya şöhrətli siyasət adamı Henri Kissincerin Kuba lideri Fidel Kastronu aşağılamaq planı üzə çıxıb.

Axar.az xəbər verir ki, 1976-ci ildə baş vermiş bu hadisə ABŞ mətbuatında birmənalı qarşılanmayıb. Ortaya çıxan gizli sənədlərdə Dövlət katibinin Kastronu aşağılamağı təklif etdiyi bildirilir. Buna səbəb isə Kastronun Anqolaya canlı qüvvə göndərməsi ilə bağlı verdiyi qərar olub.

"Teleqraf" ("Telegraph") qəzetinin verdiyi məlumata görə, o vaxtkı ABŞ Prezidenti Cerald Fordun başçılıq etdiyi iclasda Dövlət katibi plan irəli sürüb:

"Mənim fikrimcə, biz artıq Fidel Kastronu məhv etməliyik. Bunu mütləq qərarın icrasından əvvəl etməliyik. Fikrimcə, gec-tez kubalılar inqilab etməlidir. İran belə Kubanın Yaxın Şərq ölkələrinə çatmağına görə narahatdır. Məncə, onları aşağılamalıyıq. Ancaq onların Afrikadan çıxmasını tələb etməliyik".