Ukrayna Xarici İşlər Nazirliyi Belorus Prezidenti Aleksandr Lukaşenkonun Donbasa sülhməramlı qüvvələr yeridilməsi təklifini qəbul etməyib.

Axar.az Korrespondent.net-ə istinadən xəbər verir ki, bu barədə Ukrayna XİN rəsmisi Yevgeni Perebiynis məlumat verib.

"Ukraynaya sülhməramlı qüvvələrin yeridilməsi lazım deyil. Rusiyanın və terrorçuların Minsk razılaşmasına əməl etmələri lazımdır. Rusiya öz qoşunlarını Ukrayna ərazisindən çıxarmalıdır. Ukraynaya heç bir sülhməramlı qoşun lazım deyil. Əgər xarici qüvvələr çıxsa, öz torpağımızda sabitliyi təmin etməyə qadirik", - Perebiynis bildirib.

Qeyd edək ki, bir neçə gün əvvəl Belorus Prezidenti Aleksandr Lukaşenko sabitliyin bərpa olunması üçün Ukraynaya öz sülhməramlılarını göndərməyi təklif etmişdi.