Cənubi Koreya İŞİD terrorçu qruplaşmaları tərəfindən durmadan artan təhlükə səbəbindən Türkiyənin cənubunda, Suriya ilə həmsərhəd rayonlarda yerləşən vətəndaşlarını ölkəni tərk etməyə çağırıb.

Axar.az RİA Novosti-yə istinadən bildirir ki, bu barədə Cənubi Koreya Xarici İşlər naziri bəyanat verib.

Xatırladaq ki, dünən Türkiyə parlamenti Türkiyə silahlı qüvvələrindən ölkə sərhədləri xaricində istifadə olunmasına və ölkə ərazisində xarici qoşunların yerləşdirilməsinə razılıq verib. Mandat bir il ərzində qüvvədə olacaq.