İsrailin işğal etdiyi Fələstin torpaqlarında yeni doğulan uşaqlara ən çox verilən adın Məhəmməd olmasına baxmayaraq, yayımlanan statistikalarda bu ada rast gəlinməyib.

Axar.az xəbər verir ki, İsraildə keçən ilin ən məşhur adları açıqlanıb. Açıqlanan statistikada ərəblərin adlarına yer verilməyib.

İsrail Xəbər Agentliyi Haaretz-də çıxan xəbərə görə, İsrail statistika komitəsi ən məşhur adın Yusif (Yosef) olduğunu açıqlayıb. Yusifdən sonra ən məşhur adlar Tamar, Daniel, Ori, İtai, Ömər, Adəm, Noam, Ariel, Eytan və Daviddir.

Statistika komitəsi əvvəlki illər bu statistikaları müsəlmanlar, xristianlar və yəhudilər üçün ayrı-ayrı yayımlayırdı. Bu il təkcə ibranicə adlara yer verilməsinin səbəbi açıqlanmayıb.

Xatırladaq ki, İsrail işğalı altında olan bölgədə keçən il 90 min 646 oğlan, 85 min 584 qız uşağı doğulub. İsrailin işğal altında saxladığı torpaqlarda əhalinin sayının 8 milyon 180 min nəfər olduğu açıqlanıb.