Türkiyənin TV 8 ekranlarında yayımlanan "3 Adam" verlişində maraqlı anlar baş verib.

ANS PRESS-in məlumatına görə, proqramın qonağı tanınmış komedya ustası Cem Yılmaz olub. Bir zarafat əsnasında Cem Yılmaz studiyadakı tamaşaçıların acdıqlarını söyləyib və kanalın prezidenti niyə yatır?- deyə Acun Ilıcalıya səslənib.

Komedya ustasının bu sözlərindən sonra TV 8-in prezidenti Acun çəkiliş əsnasında bir anda studiyaya daxil olub. Cem Yılmazın atmacasına cavab olaraq tamaşaçıar üçün 2000 pizza və 50 nimçə paxlava sifariş verib.

Bununla da televiziya tarixində bir ilkə imza atan Acun izləyiciləri xeyli təəccübləndirib. Çəkiliş sonunda isə paxlava və pizzalar tamaşaçılara paylanıb.