Cənubi və Şimali Koreya donanmaları arasında qısamüddətli gərginlik yaşanıb.

Axar.az xəbər verir ki, Cənubi Koreya ordusundan verilən açıqlamada Şimali Koreyaya məxsus hərbi gəmi bu ölkənin dəniz sərhədlərin pozduğuna görə, iki ölkənin donanması bir-birinə atəş açıb.

Verilən açıqlamada bildirilir ki, şimal sərhəd xəttini keçən Şimali Koreya hərbi gəmisinə Cənubi Koreya patrul gəmisi xəbərdarlıq edərək atəş açıb. Xəbərdarlıq atəşinə atəşlə cavab verən Şimali Koreya gəmisi döyüş vəziyyətinə gətirilib.

On dəqiqəyə qədər çəkən atəş zamanı heç bir tərəfdən itki olmayıb.

Qeyd edək ki, ötən günlərdə Cənubi və Şimali Koreya hökuməti danışıqların yenidən aparılması istiqamətində razılıq əldə etmişdilər.