ABŞ İraq və Suriyada İŞİD ilə mübarizəyə 1,1 milyard dollar xərcləyib.

Axar.az xəbər verir ki, bu barədə Amerika Birləmiş Ştatlarının Silahlı Qüvvələrinin Mərkəzi Komandanlığı məlumat yayıb.

Məlumatda ABŞ Hərbi Hava Qüvvələrinin əməliyyat çərçivəsində hava zərbələrinə, həmçinin, Tomaqavk qanadlı raketlərin buraxılışına 62 milyon xərclədiyi bildirilir. Xərclərin əsas hissəsinin 185 adi və 47 qanadlı raketə xərcləndiyi deyilib.

Qeyd edək ki, Pentaqon iyun ayından başlayaraq Suriya və İraqa hər gün keçirdiyi əməliyyatlara görə 7 milyondan başlayaraq 10 milyon dollara qədər pul xərcləyir.