Kobaniyə İŞİD hücumunu bəhanə edən PKK Türkiyənin Diyarbəkir şəhərində inzibati binalardan birinə hücum edib.

Axar.az xəbər verir ki, inzibati binada olan partiya üzvlərinin PKK hücumuna cavab verməsi nəticəsində terrorçular geri çəkilib. Partiya binası qarşısında hələ də gərginliyin davam etdiyi bildirilir.

Hücum zamanı terrorçular 12 nəfəri yaralayıb. Onlardan Turan Yavaş həyatını itirib.

Əldə edilən digər məlumatda isə qeyd edilir ki, Diyarbəkirin Bağlar mahalında yaşanan qarşıdurmalar zamanı nümayişçilər əllərindəki silah və baltalarla hücuma keçiblər. Yaşanan qarşıdurmalarda 2 nəfərin öldüyü və çoxlu sayda yaralıların olduğu açıqlanıb.