10:48

Ayın tam tutulmasını Rusiyanın Uşaq Şərq və Sibir sakinləri, ABŞ, Avstraliyanın şərq rayonları və Kanada əhalisi müşahidə edə biləcək.

Axar.az RİA Novosti-yə istinadla bildirir ki, bu barədə NASA məlumat yayıb. 2014-cü ildə Ayın ikinci tam tutulması bu gün – 8 oktyabrda saat 12.15-də başlayacaq və təxminən 2,5 saat sonra tam həddinə çatacaq. NASA saytı tutulmanı birbaşa translyasiya edəcək, agentliyin ekspertləri isə istifadəçilərin suallarını cavablandıracaqlar.

Qeyd edək ki, Yer, Günəş və Ay bir ox boyunca düzüləndə Yerin kölgəsi onun təbii peykinin əks etdirdiyi gün işığının qabağını kəsir və beləliklə, Ayın tutulması baş verir. NASA-nın məlumatına görə, tutulma zamanı Ay Yer atmosferinin sındırdığı günəş işığını əks etdirdiyindən, qırmızımtıl və narıncı çalar ala bilər, odur ki, bu hadisəni "qanlı Ay" da adlandırırlar.

Ekspertlərin qeyd etdiyi kimi, tutulma zamanı Ay səthindən Günəşə yönəlmiş temperatur 130 dərəcə selsidən mənfi 99 dərəcəyə enir.

2014-2015-ci illər üçün Ay 4 dəfə tutulmalıdır. Bu ilin birinci tutulmasını Yer sakinləri apreldə müşahidə edə biliblər. Növbəti tutulma bu gün, daha iki tutulma isə 2015-ci il aprelin 4-də və sentyabrın 28-də baş verəcək.

***

Broadcast live streaming video on Ustream