Ana səhifə Planet |
"Bu, Türkiyənin daxilində gedən prosesdir".
Bu sözləri Axar.az-a açıqlamasında politoloq Fərhad Mehdiyev Türkiyədə baş verən hadisələri şərh edərkən dedi. Onun sözlərinə görə, PKK qruplaşmalarının fəallaşması Türkiyə sərhədləri çərçivəsindən kənara çıxa bilməz:
"Son günlər Türkiyədə yaşananlar bilavasitə türk hökuməti ilə bağlıdır. Türkiyə hökumətinin istədiyi vaxt bu etirazlar yatacaq. Ordu əgər onlara qarşı gedərsə, PKK-nın orduya qarşı qalxma ehtimalı olduqca aşağıdır. PKK qruplaşmaları təkcə Türkiyədə deyil, Suriya, İraq, İran, o cümlədən Qarabağa da yerləşdirilib. Amma bu qruplaşmaların ayağa qalxıb onlara dəstək verməsi, İŞİD-ə qarşı mübarizədə bu qruplaşmaların köməyi inandırıcı deyil".
Politoloqun sözlərinə görə, etirazların nəticəsi olaraq Türkiyə hökumətinin konkret addımlar atacağı da gözlənilən deyil:
"Bu etirazların Türkiyə hökumətinin İŞİD-ə qarşı aktiv hərbi müdaxiləsi ilə nəticələnəcəyini düşünmürəm. Tam tərsinə, bu hadisələr hökuməti qıcıqlandıracaq. Türkiyə əməliyyatlara başlayarsa, Kobani kürdlərinin gücü daha da artacaq. PYD və ya PKK-nın ortaq düşməninə qarşı Türkiyənin də qoşulması acı nəticələrə səbəb ola bilər. Buna görə də bu etirazların Türkiyədə nəyisə dəyişəcəyinə inanmıram".
Tarix
2014.10.08 / 14:25
|
Müəllif
Şəmsəddin Ənsar
|