İran İŞİD nəzarəti altındakı Kobani bölgəsinə humanitar yardım göndərməyə qərar verib.

Axar.az xəbər verir ki, İran tərəfinin açıqlamasına görə, yardım göndərəcəklər, amma bu yardım Suriya dövləti vasitəsilə çatdırılacaq.

İran Xarici İşlər Nazirliyinin sözçüsü Marziyə Afkam Kobanidə yaşanan dəhşətli vəziyyət qarşısında beynəlxalq ictimaiyyəti "səssiz qalmaqda" günahlandıraraq belə deyib: "İran İslam Respublikası ən qısa müddətdə Suriya dövləti vasitəsi ilə bu bölgə əhalisinə, çarəsiz insanlara humanitar yardım göndərəcək".

Qeyd edək ki, İran bu açıqlama ilə Suriyada qanuni rejim olaraq Bəşər Əsəd rəhbərliyini tanıdığını bir daha vurğulamış olub.