Rusiya Xarici İşlər naziri Sergey Lavrov terrorla mübarizə adı altında Suriya hakimiyyətinin dəyişdirilməsinin qəbuledilməz olduğunu bildirib.

Axar.az xəbər verir ki, Türkiyə rəhbərliyinin Suriyada hərbi əməliyyatlara razılıq verməsindən sonra açıqlama verən Lavrov Türkiyəni bir daha fikirləşməyə çağırıb: "Rejim dəyişmək üçün terrordan və terrorçulardan istifadə etmək olmaz. Ümid edirəm ki, kimsə bu barədə düşünmür".

Rusiyanın İŞİD-ə qarşı mübarizədə öz mövqeyini dəfələrlə bəyan etdiyini xatırladan Lavrov beynəlxalq terrorla mübarizə mövzusunda ortaq bir cəbhə yaradılması üçün Rusiyanın illərdir çağırış etdiyini qeyd edib: "Bu cəhd olaraq qalmamalıdır. Əməli tədbirlər görülməlidir. Burada ikili standart olmamalıdır. Qərb tərəfdaşlarımız bir rejimə görə dünyanı qurban verməməlidir. Bunu yaxşı anlayırlar".