Türkiyənin baş naziri Əhməd Davudoğlu ölkədə yaranan qarşıdurmaların nəticəsi barədə məlumat verib.

Axar.az xəbər verir ki, Davudoğlu son iki gündə Türkiyə kürdlərinin İŞİD-in Kobaniyə girməsinə qarşı nümayişi nəticəsində 19 nəfərin öldüyünü, 145 nəfərin isə yaralandığını bildirib: "145 vətəndaşımız yaralıdır. 368 nəfər saxlanılıb. Homsda minlərlə türkmən, kürd, ərəb öldürülərkən, Hələb bombalanarkən indi kiminsə vicdandan danışması ikiüzlülükdür. Heç bir vandalizmi qəbul edə bilmərik. Amma biz məsələni güc yolu ilə həll etməyəcəyik".