Rusiyanın Türkiyədəki səfiri Andrey Karlov Prezident Vladimir Putinin yaxın zamanlarda Türkiyəyə rəsmi səfər edəcəyini açıqlayıb.

Axar.az xəbər verir ki, səfir prezidentin əsasən iqtisadi layihələri müzakirə etmək üçün bu ölkəyə gələcəyini bildirib:

"İki lider arasında baş tutacaq görüşdə hədəf olaraq qarşıya qoyulan 100 milyard dollarlıq ticarət dövriyyəsinin reallaşması üçün mövcud maneələrin aradan qaldırılması ilə bağlı müzakirələr olacaq".

Ekspertlər isə bu səfərin tamamilə siyasi motivlər daşıdığını, Türkiyəni koalisiya tərkibində İŞİD və Əsəd rejiminə qarşı hərbi əməliyyatlardan çəkindirmək xarakteri daşıdığını bildirir.

Xatırladaq ki, bir neçə gün öncə Türkiyə Böyük Millət Məclisi İŞİD-ə qarşı hərbi əməliyyatların başlanılmasına razılıq verib.