Rusiya Xarici İşlər nazirinin müavini və Kremlin Yaxın Şərq üzrə xüsusi nümayəndəsi Mixail Boqdanov İŞİD-ə qarşı ABŞ-ın liderliyi ilə yaradılan koalisiyanı Qərb dünyasının növbəti səhvi adlandırıb.

Axar.az xəbər verir ki, İraq və Suriyada həyata keçirilən əməliyyatların böyük fəlakət gətirəcəyini deyən rus diplomat bu səhvin altını bölgədə yerləşən ölkələrin çəkəcəyini bildirib.

İŞİD-in 5-6 milyonluq əhaliyə sahib bir bölgəni nəzarətə aldığını xatırladan diplomat hava hücumları ilə İŞİD-in məhv olmayacağını qeyd edib:

"Yalnız hava hücumları ilə İŞİD kimi bir düşməni məhv etmək mümkün deyil. Koalisiya ölkələri terrorla mübarizə adı altında region ölkələrinin suverenliyini təhlükəyə ataraq öz geosiyasi maraqlarının reallaşması üçün bundan istifadə edir".