Elm adamları ölümdən sonra şüurun hələ bir müddət davam etdiyini kəşf edib.

Axar.az xəbər verir ki, elm adamlarının İngiltərə, ABŞ və Avstraliyadakı 15 xəstəxanada infakt keçirən xəstələr üzərində apardıqları araşdırma nəticəsində bu qənaətə gəliblər.

Belə ki, infakt olandan sonra kliniki ölüm keçirən iki mindən çox insan üzərində aparılan araşdırma zamanı məlum olub ki, sağ qalan xəstələrdən 40 faizinin beyin fəaliyyəti dayansa da, şüuru hələ də yerində olub.

İnfakt keçirən 57 yaşlı bir qadının ürəyi 3 dəqiqə dayanmasına baxmayaraq, yenidən həyata qayıtdığı zaman ətrafındakı həkimlərin və tibb işçilərinin onun özünə gəlməsi üçün nələr etdiyini detallarına qədər danışıb. Hətta xəstələrdən bir neçəsi ağ parıltılı işıq gördüyünü, bəziləri isə boğulma hissi yaşadığını bildirib. Bir neçəsi isə ətrafında baş verənlərə təəccübləndiyini, çaşıb qaldığını bildirib.

Araşdırmanı həyata keçirən beynəlxalq qrupdan olan həkim Sam Parnia qeyd edir ki, kliniki ölümdən sonra həyata geri dönən xəstələrin bəziləri nəfəssiz qaldığı üçün beyini zərər görür və bu səbəbdən ölüm anında yaşadıqlarını xatırlamırlar. Kliniki ölüm keçirən və beyini zərər görməyənlərin isə bir müddət şüuru yerində olur.

Həkim qeyd edir: "İnsan öləndən sonra nəyin getdiyini bilmirik, ancaq əminik ki, şüur uzun müddət itmir".