Ermənistanın yeni hakimiyyəti eks-deputat Manvel Qriqoryanı bir müddət sonra həbsdən buraxacaq.

Axar.az xəbər verir ki, bu barədə informasiyanı “Qraparak” qəzeti yayıb.

“Hüquq-mühafizə orqanları çalışırlar ki, Qriqoryan Eçmiədzində keçiriləcək mer və Yerkrap təşkilatının sədrliyinə seçkilər zamanı azadlıqda olmasın. Yeni hökumət Eçmiədzinə Diana Qasparyanı, Yerkrapa isə Sasun Mikaelyanı rəhbər gətirmək istəyir. Bundan sonra isə Qriqoryanın azadlığa buraxılması gözlənilir”, – xəbərdə bildirilir.

Qeyd edək ki, general Qriqoryan mənimsəmə və qanunsuz silah saxlama maddəsinə görə həbsdə saxlanılır.

O, bir sıra gizli qətllərin sifarişini verməkdə də ittiham olunur.