Rusiyaya səfərim sayəsində Moskva və Vaşinqton arasında dialoqun davam edəcəyinə ümid edirəm.

Axar.az xəbər verir ki, bunu “Salem Radio Netvork”ə müsahibəsində ABŞ Prezidentinin milli təhlükəsizlik üzrə müşaviri Con Bolton deyib.

“Bu səfərin səbəbi Tramp və Putinin Helsinkidə apardıqları danışıqları davam etdirmək, Rusiya-ABŞ münasibətləri haqqında danışmaqdır. Biz daha Rusiyanın 2016-cı ildəki kimi ABŞ-dakı seçkiyə müdaxilə cəhdlərini görmürük. Biz daha çox Çinin müdaxiləsindən narahatıq. Bu narahatlıq təkcə seçkiylə yox, həm də onun daha geniş mənada ABŞ-ın siyasi qərarlarına təsir etmək cəhdləriylə bağlıdır”, – deyə o bildirib.

Qeyd edək ki, Bolton oktyabrın 20-də Azərbaycan, Gürcüstan, Ermənistan və Rusiyaya səfər edəcək.