Ana səhifə Planet |
Rusiya Strateji Araşdırmalar İnstitutunun rəhbəri Vladimir Yevseyev Vaşinqtonun əsas məqsədinin müstəqil İraq-Kürd dövlətinin qurulması olduğunu, bunun Türkiyə üçün çox böyük təhdid meydana gətirdiyini açıqlayıb.
Ria Novosti-yə müsahibə verən Yavsayev ABŞ-ın Kürdüstanın qurulması üçün hər yola əl atdığını qeyd edib: "Təəssüf ki, bunu söyləmək məcburiyyətindəyəm ki, ABŞ yalnız de-fakto deyil, de-yure olaraq da İraq Kürdüstanının qurulması üçün səylərini artırıb. Bu Türkiyə üçün çox ciddi nəticələrə gətirib çıxaracaq".
Türkiyədə milyonlarla kürdün yaşadığını xatırladan rusiyalı mütəxəssis belə olan təqdirdə Türkiyə kürdlərinin də ayağa qalxacağını açıqlayıb:
"Türkiyədə yaşayan kürdlər də yeni qurulan dövlətə daxil olmaq istəyəcək. Hazırda Türkiyədə nə qədər ciddi kürd etirazlarının yaşandığını görürük".
Rusiyalı mütəxəssis keçirdiyi bir çox görüşlərdən sonra Türkiyənin digər NATO üzvü ölkələrlə bərabərhüquqlu bir ölkə olmadığı qənaətinə gəldiyini bildirib:
"Səddam rejiminin devrilməsində öz torpaqlarını ABŞ-a verməməsi və Qara dənizdə NATO gəmiləri ilə əməkdaşlıqdan imtina etməsi NATO daxilində Türkiyəni ikinci dərəcəli ölkələr sırasına salıb".
İŞİD-in Türkiyə torpaqlarına hücum edəcəyi təqdirdə NATO-nun bu ölkənin imdadına çatacağından əmin olmadığını deyən politoloq Prezident Ərdoğanın da bununla bağlı heç bir ölkədən kömək istəməyəcəyini bildirib.
Tarix
2014.10.10 / 12:50
|
Müəllif
Şəmsəddin Ənsar
|