Suriyada baş verən qətliamlarda təkcə İŞİD yaraqlıları cinayət törətmirlər. Ölkədə üç ildən çoxdur terrorçulara qarşı döyüşən Əsəd ordusunun bombardmanı nəticəsində də həyatını itirən yüzlərlə dinc insan var.

Axar.az xəbər verir ki, oktyabrın 10-da paytaxt Dəməşqin Ərbin bölgəsində 25 nəfər həlak olub. Bölgənin bombalanması onların həyatına son qoyub. Türkiyə mediası Ərbində baş verən hadisədə ölənlərin fotolarını yayıb.

Qeyd edək ki, Əsəd rejimini devirmək üçün küçələrə çıxan xalqın etirazları nəticəsiz qaldıqdan sonra ölkəyə terrorçu qruplar yeridildi, Əsəd ordusu ilə terror qruplaşmaları arasında fasiləsiz döyüşlər gedir.