Krım Sənaye-Pedaqoji Universitetinin tələbələrini ali məktəbdən xaric olunmaq təhlükəsi gözləyir.

Axar.az Unian.net-ə istinadən xəbər verir ki, tələbələr işğalçı hökumətin nümayəndəsi – "Krım dövlət şurasının spikeri" Vladimir Konstantinovu Ukrayna himni ilə qarşılayıblar. Bu barədə jurnalist Osman Paşayev özünün Facebook səhifəsində yazıb.

"FTX internetdə yayımlanan foto və videoda "qeydə alınmış" bütün tələbələri siyahıya alıb və indi aksiyanın təşkilatçısının kimliyini öyrənmək üçün onları təftiş edirlər. İşğalçılara və Moskva "gestapoçularına" müəllim Mustafa (Servinoviç) Ciləci yardım edir. "Dindirilmələr" də onun kabinetində aparılır.

Əgər Rusiyanın xüsusi xidmət orqanları Ukrayna himnini səsləndirdiklərinə görə 17-18 yaşlı oğlan və qızların təqibilə məşğuldursa, Rusiya böyük ölkədir", - deyə Paşayev əlavə edib.

"Ukrainskaya pravda" qəzetinin yazdığına görə, tələbələri artıq iki həftədir ki, dindirirlər. Əgər təşkilatçını tapsalar (daha doğrusu, "satsalar" – red.) heç kimə zərər verməyəcəklərini vəd edirlər.