"İŞİD ilə mübarizədə quru əməliyyatları Türkiyənin başçılığı altında ərəb ölkələri ilə birgə aparılmalıdır".

Axar.az xəbər verir ki, bu açıqlama ilə Danimarkanın Məclis sədri Mogens Lykketoft çıxış edib. O bilidirib ki, Qərb ölkələri quru əməliyyatlarına qatıla bilməz:

"Türkiyə heç bir ölkənin etmədiyi fədarkalığı edərək İraq və Suriyadan 1.5 milyondan çox qaçqını qəbul etməklə çox önəmli bir yükün altına girib. Kobaniyə hücumlar başlamazdan öncə sərhəd əraziləri ziyarət etdim və son həftələrdə burda qaçqınların sayının təxminən 200-300 min artdığının şahidi oldum. Türkiyənin haqqı ödənilə bilməz. Suriyaya quru əməliyyatlarında Türkiyə ərəb ölkələri ilə bigə hərəkət etməlidir. Qərb ölkələri bu əməliyyatlara qatılmamalıdır. Qərb bu yolda Türkiyəyə dəstək verməlidir, amma quru əməliyyatlarında yox".